सबसों छिमा छिमा कर
Karaoke :
राग गौरी, मान न कीजिए ओ परवीन
सबसों छिमा छिमा कर जीव !
मन वच तनसों वैर भाव तज, भज समता जु सदीव ॥टेक॥
तपतरु उपशम जल चिर सींच्यो, तापस शिवफल हेत ।
क्रोध अगनि छिनमाहिं, जरावै, पावै नरक-निकेत ॥
सबसों छिमा छिमा कर जीव ॥१॥
सब गुनसहित गहत रिस मनमें, गुन औगुन ह्वै जात ।
जैसैं प्रानदान भोजन ह्वै, सविष भये तन घात ॥
सबसों छिमा छिमा कर जीव ॥२॥
आप समान जान घट घटमें, धर्ममूल यह वीर ।
'द्यानत' भवदुखदाह बुझावै, ज्ञान सरोवर नीर ॥
सबसों छिमा छिमा कर जीव ॥३॥