अथानन्तरमेकोनविंशतिसूत्रपर्यन्तं निश्चयव्यवहारमोक्षमार्गव्याख्यानस्थलं कथ्यते तद्यथा -

जीवहं इत्यादि । [जीवहं] जीवानां अथवा एकवचनपक्षे 'जीवहो' जीवस्य [मोक्खहं हेउ] मोक्षस्य हेतुः कारणं व्यवहारनयेन भवतीति क्रियाध्याहारः । कथंभूतम् । [वरु] वरमुत्कृष्टम् । किंतत् । दंसणु णाणु चरित्तु सम्यग्दर्शनज्ञानचारित्रत्रयम् । [ते पुणु] तानि पुनः [तिण्णि वि] त्रीण्यपि सम्यग्दर्शनज्ञानचारित्राणि [अप्पु] आत्मानमभेदनयेन [मुणि] मन्यस्व जानीहि त्वं हे प्रभाकरभट्ट
[णिच्छएं] निश्चयनयेन [एहउ वुत्तु] एवमुक्तं भणितं तिष्ठतीति । इदमत्र तात्पर्यम् ।भेदरत्नत्रयात्मको व्यवहारमोक्षमार्गः साधको भवति अभेद रत्नत्रयात्मकः पुनर्निश्चयमोक्षमार्गः
साध्यो भवति, एवं निश्चयव्यवहारमोक्षमार्गयोः साध्यसाधकभावो ज्ञातव्यः सुवर्णसुवर्णपाषाणवत् इति ॥१२॥
तथा चोक्तम् -
सम्मद्दंसणणाणं चरणं मोक्खस्स कारणं जाणे ।
ववहारा णिच्छयदोतत्तियमइओ णिओ अप्पा ॥

---