असत्तमुल्लावेंतो पण्णावेंतो य बहुजणं कुणइं
कंदप्पं रइसमावण्णो कंदप्पेसु उववज्जइ ॥64॥
अभिजुंजइ बहुभावे साहू हस्साइयं च बहुवयणं
अभिजोगेहिं कम्मेहिं जुत्तो वाहणेसु उववज्जई ॥65॥
तित्थयराणं पडिणीओ संघस्स य चेइयस्स सुत्तस्स
अविणीदो णियडिल्लो किव्विसियेसूववज्जेई ॥66॥
उम्मग्गदेसओ मग्गणासओ मग्गविपडिवण्णो य
मोहेण य मोहंतो संमोहेसूववज्जेदि ॥67॥
खुद्दी कोही माणी माई तह संकलिट्ठो तवे चरित्ते य
अणुबद्धवेररोई असुरेसुव्वज्जदे जीवो ॥68॥